الاثنين 13 أبريل 2026 2:41:38
شاركت النجمة الشابة سارة سلامة، مع جمهورها ومتابعيها، بمنشور لأحدث ظهور لها، عبر صفحتها الشخصية والرسمية على مواقع التواصل الاجتماعي «إنستجرام».
وخطفت سارة سلامة الأنظار بإطلالة متميزة وجذابة في نزهة برفقة كلبها، مما حازت على الإعجاب وتفاعل كبير من محبيها الذين عبّروا عن اشتياقهم لظهورها، وانهالوا عليها بالتعليقات الإيجابية، مشيدين في نفس الوقت بجمالها وأناقتها الطبيعية.
وكانت سارة سلامة، كشفت مؤخرًا عن كواليس مشاركتها في مسلسل "نقطة سودا"، وتعرضها للكثير من الإنتقادات بسبب شكل الشخصية التي تقدمها خلال أحداث المسلسل.
وقالت سارة سلامة خلال لقاء مع برنامج "كشف حساب" الذي تقدمه الإعلامية إنجي هشام على شاشة هي: كان في هجوم عليا وقت مسلسل نقطة سودا، مافيش حد محدد عملي الحملة دي، الشخصية في المسلسل دور واحدة مستفزة وشريرة كمان، بعمل دور وبأديه ومش طبيعة حياتي عايشة كده بالميك اب، المسلسل من أصعب الأعمال اللي عملتها في حياتي، وظروف تصويره مختلفه، وكنت بصور في لبنان وحرب شغالة وكنا بنسمع الصواريخ وقت التصوير.
وتابعت سارة سلامة: قالوا غيرت ملامح وشي، اتضايقت جدًا وأنا معنديش مشكلة في الانتقاد ولكن يكون بشكل محترم، ليه أهين!؟ في الآخر إحنا بني آدمين بأدي دور أتطلب مني، وأكيد لو في أي عيب حواليا ناس كتير لو ينبهوني، الميك اب بيتعمل بيه مليون حاجة".
وكشفت سارة سلامة عن طبيعة علاقتها بوالدها الفنان الكبير أحمد سلامة، وكيفية الأخذ برأيه في أعمالها الفنية التي تقدمها، كما تطرقت إلى الحديث عن الفنان محمد رمضان ودوره في حياتها ونصائحه لها.
وتابعت سارة سلامة: بابا صاحبي جدًا، ولما الناس بدأت تنتقد كتير، بيتقال حاجات مش حقيقة، أنه ضربني وضربنا بعض، معرفش الناس بتجيب ده منين، بابا ده صاحبي، وبحب الصحوبية معاه وصديقي المقرب وهو مش قاسي حنين جدًا وبيقف مع الناس وبيعرف ازاي بيتعامل مع المرأة .
واستكملت سارة سلامة: كنت اتظلمت الفترة الأولى لما دخلت التمثيل، بسبب الجرأة وكنت صغيرة ولسه بتعلم، وبابا لما كان يشوف ده يقول متمردة، ولو حصل منه حاجة أو علق على برنامج بعاتبه وأقوله أنت ليه شايفني كده وأسمع رأيه، وهو لو ايه حصل بييجي يصالحني.
وتحدثت سارة سلامة عن علاقتها بالفنان محمد رمضان وصداقتهما من بعد نجاحهما في مسلسل ابن حلال قائلة: محمد رمضان صديق مقرب ليا جدًا وبشوف أنه وش السعد عليا، بحب أتكلم معاه جدا وأخد رأيه في كل حاجة، وبيديني أمل في الحياة ومبيخليش حاجة تأثر، بيخليني عايزة أقوم أكسر الدنيا، ومش هيجي زيه تاني في التمثيل.. هو مش بيستفز الناس هو طيب جدًا ولكن في ناس شغلها في الحياة أنها تنتقد، لو عملتي عمرة ينتقدوا، لو اتحجبتي وقعدتي في البيت دول مش هنخلص منهم.
كما أكدت سارة سلامة أن الخلاف بينها وبين الفنان محمد رجب قد انتهى، وخاصة بعد تصريحه “مش هشتغل معاها تاني”: محمد رجب طيب وممثل رهيب واتصافينا مبقيناش متخانقين وجه واتأسف لي وقبلت، اختياراته حلوة ولكن في ناس بتخاف أنها تغير في المسلسلات مع إن ممكن لو غيرت أنجح على فكرة، بيخافوا من الريسك مش هو بس في ناس كتير كده.
كما علقت سارة سلامة على حصرها في أدوار معينة منذ ظهورها ودخولها التمثيل، قائلة: معرفش الناس مركزة معايا من ساعة ما بدأت تمثيل، معرفش ده تركيز زيادة من الناس، وممكن بدايتي في سن صغير، عملت أدوار كتير جدا بشخصيات مختلفة نفسي أخرج من البنت الشيك الجميلة الهادية، ظلمتني شوية، في الأول كنت مبسوطة بده ورجعت قولت ممكن ألعب حاجة غيرها، وده دور المخرجين برضو أنهم ميكرروش الشخصية للفنانة، نفسي أحط بنت متحطش ميك اب خالص وعايشه في الشوارع وبتقابل مواقف حقيقة.
